Цагдаагийн байгууллагын 95 жил, Замын цагдаагийн алба үүсч байгуулагдсаны түүхт 80 жилийн ойн арга хэмжээг тэмдэглэн өнгөрүүлэх төлөвлөгөөний хүрээнд хүүхдийн замын хөдөлгөөний аюулгүй орчин, тэдгээрт үлгэр дууриалал болохуйц, танин мэдэхүйн, урьдчилан сэргийлэх, уран сэтгэмж бүхий санааг багтаасан бүтээлүүдийг олон нийтэд хүргэх зорилгоор “Хүүхдийн аюулгүй байдал ба бидний эрхэм үүрэг” сэдэвт хананы зургийн уралдааныг замын цагдаагийн тасгийн алба хаагчдын дунд зохион явуулж, 2016 оны 06 дугаар сарын 20-ны өдөр шалгарууллаа.
Замын хөдөлгөөний хууль, дүрмийг сурталчилсан, иргэд, хүүхдүүдийн зам тээврийн гэмт хэрэг, ослоос урьдчилан сэргийлэх, хүүхдийн аюулгүй орчинг хүүхдийн сэтгэхүй, онцлогт тохируулан уран сэтгэмжээр дүрслэн тэдэнд анхааруулга, санамж, сурталчилгаа болохоор чөлөөт сэдвээр зохиомжилсон зургийг блокон хананд зурсан бөгөөд 1 дүгээр байранд цагдаагийн ахлагч Б.Одгэрэл ахлагчтай баг, 2 дугаар байранд цагдаагийн ахмад Т.Лхагвасүрэн ахлагтай баг, 3 дугаар байранд цагдаагийн дэслэгч Н.Мөнхболд ахлагчтай баг тамирчид шалгарч өргөмжлөл, цалингийн хувиар шагнагдсан байна.