/
/
ЦАГДААГИЙН ГАЗАР, СУМЫН ЗАСАГ ДАРГА, ХЭСГИЙН ТӨЛӨӨЛӨГЧ НАРЫН ГУРВАЛСАН ГЭРЭЭ БАЙГУУЛАГДЛАА.
Цагдаагийн албаны тухай хууль, Засгийн газрын 1991 оны 43 дугаар тогтоол, аймгийн Засаг даргын 2016-2020 онд хэрэгжүүлэх үйл ажиллагааны мөрийн хөтөлбөрийг хэрэгжүүлэх, гэмт хэрэг, зөрчлөөс урьдчилан сэргийлэх, таслан зогсоох, илрүүлэн шалгаж шийдвэрлэхэд хэсгийн төлөөлөгчийн ажлыг чиглүүлэн, ажиллах нөхцөл боломжийг хангах зорилгоор Аймгийн засаг даргаар батлуулсан Цагдаагийн газрын дарга, сумын засаг дарга, хэсгийн төлөөлөгчийн 2017 онд хамтран ажиллах гурвалсан гэрээг байгуулах арга хэмжээ 01 дүгээр сарын 30-ны өдөр Аймгийн засаг даргын тамгын газар дээр зохион байгуулагдлаа.
Уг гэрээний хүрээнд 2016 онд сум орон нутгийн хэсгийн төлөөлөгч, цагдаа нарын ажлыг дэмжиж, идэвх зүтгэлтэй хамтран ажилласан Хөлөнбуйр, Баяндун, Халхгол, Матад, Баянтүмэн сумдын засаг дарга нарт тус Цагдаагийн газрын дарга, цагдаагийн дэд хурандаа Л.Ариунбат “Талархал” үнэ бүхий зүйлийг олгосон байна.
