/
/
“ЯАРААД ЯАХАВ ДЭЭ” АЯНД ДОРНОДЧУУД НЭГДЭЖ БАЙНА.
Урин дулааны улирал эхэлж, иргэд хөдөө, орон нутгийн чиглэлд зорчих хөдөлгөөн эрчимжсэнтэй холбогдуулан улсын хэмжээнд зохион явуулж байгаа “Яараад яах вэ” аяны хүрээнд Дорнод аймгийн Цагдаагийн газрын замын цагдаагийн тасгаас иргэдэд санамж сэрэмжлүүлэгийг тараан, иргэдтэй хамтран ажиллаж байна.
Уг арга хэмжээний хүрээнд Дорнод аймагт хүрэлцэн ирсэн “Яараад яахав дээ” аяны дуу хоолой Хурд хамтлаг нийт иргэдэд хандан “Тээврийн хэрэгсэл жолоодохдоо хурд хэтрүүлэхгүй, яаралгүй явах нь өөрийнхөө төдийгүй хайртай хүмүүсээ хамгаалах хамгийн зөв арга юм гэдгийг иргэн та алхам тутамдаа санаж яваарай” гэж уриалсан байна. Мөн Цагдаагийн Ерөнхий Газрын хүүхдийг гэмт хэргээс урьдчилан сэргийлэх тасгийн дарга, цагдаагийн хошууч Д.Будзаан: “Монгол Улсад хурдны зам гэж байхгүй, тиймээс жолооч нар хурдаа тохируулах хэрэгтэй. “Яараад яахав дээ” аянд нэгдээрэй” гэж уриаллаа.
Дорнодын зон олон “Яараад яахав дээ” аянд нэгдэн, уриалгыг идэвхтэй дэмжиж ажиллаж байгаад Цагдаагийн газрын нийт бие бүрэлдэхүүний өмнөөс талархал илэрхийлье.
