/
/
“МОНГОЛЫН АХМАДЫН БАЯР”-ЫН ӨДРИЙГ ТОХИОЛДУУЛАН ЦАГДААГИЙН ГАЗРЫН АХМАД АЖИЛЧИДДАА ХҮНДЭТГЭЛ ҮЗҮҮЛЛЭЭ
Цагдаагийн байгууллагын түүхийг бичилцэж, эх орныхоо өмнө өргөсөн тангарагтаа үнэнчээр зүтгэж, гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үйл ажиллагааг бэхжүүлэх их үйлсэд хувь нэмрээ оруулсан үе үеийн ахмад ажилтнууддаа хүндэтгэл үзүүлэн, “АЛДАР НЬ МӨНХӨРСӨН АЛТАН ҮЕИЙНХЭН” үйл ажиллагааг 2022 оны 10 дугаар сарын 03-ний өдөр 2 үе шаттай зохион байгуулж, Цагдаагийн газрын бие бүрэлдэхүүн ёслолын жагсаалаар жагсаж хүлээн авлаа.
Энэхүү үйл ажиллагаанд Цагдаагийн газрын 50 гаруй ахмад ажилтнууд болон тусгайлсан чиг үүрэг бүхий байгууллагуудын ахмадын хорооны удирдлага нар урилгаар оролцов.
Үйл ажиллагааний үеэр ахмад ажилтан нарт зориулан ая дууны мэндчилгээ дэвшүүлэн, азтан шалгаруулах сугалаа явуулж, Цагдаагийн ерөнхий газрын “Цагдаагийн гавъяа” тэмдэг цагдаагийн бэлтгэл ахмад Ш.Түмэннаст, Цагдаагийн газрын даргын “Баярын бичиг”-ээр 10 ахмад ажилтан, 5тн нүүрсний “Эрхийн бичиг”-ээр 6 ахмад ажилтан, тусгайлсан чиг үүрэг бүхий байгууллагын Ахмадын хороонуудын шагнал болон бусад шагналаар шагнаж урамшууллаа.
Алдар нь мөнхөрсөн алтан үеийнхэн болсон үе үеийн ахмад ажилтнууд Та бүхэндээ эрүүл энх байж, урт удаан наслахын өлзийтэй сайхан ерөөлийг дэвшүүлье.
