ЭРҮҮГИЙН ЦАГДААГИЙН ТАСГИЙН ТОВЧ ТАНИЛЦУУЛГА
ЭРҮҮГИЙН ТАСГИЙН ТҮҮХЭН ЗАМНАЛ
1935 онд БНМАУ-ын Дотоодыг хамгаалах газрын даргын тушаалаар Дорнод аймагт Цагдан сэргийлэх анги байгуулагдахад эрүүгийн хэрэг эрхэлсэн төлөөлөгч, өмч хулгайн асуудал эрхэлсэн төлөөлөгч томилогдсноор эрүүгийн албаны түүх эхэлсэн. Цагдан сэргийлэх анги, хэлтсийн эрүү, өмч, хүүхдийн алба болон өргөжиж эх орондоо болон гадаадад өндөр мэргэжил, боловсрол эзэмшсэн мэргэжлийн боловсон хүчнээр хангагдан эх орон, төр, ард түмэндээ өргөсөн тангараг, хүлээсэн үүргээ нэр төртэйгөөр биелүүлэн гэмт хэрэгтэй тэмцэхийн зэрэгцээ харийн түрэмгийлэгчид, тэдний гар хөл бологсод, тагнуул, туршуул, хорлон сүйтгэгчидтэй тэмцэж ирсэн бахдам түүхтэй.
Тус албанд олон чадварлаг алба хаагчид ажиллаж байсныг цухас дурьдахад: Гавъяат хуульч, дэд хурандаа П.Дамдиндорж, Цагдан сэргийлэх ангийн дарга Н.Бямбаа /цагдаагийн бэлтгэл хурандаа/, Эрүүгийн ахлах төлөөлөгч, цагдаагийн хошууч Д.Базаргүр /ЦЕГ-ын дэд даргаар ажиллаж байсан, цагдаагийн хурандаа цолтой/, Цагдаагийн хурандаа Б.Болдбаатар /ЦЕГ-ын дэд даргаар ажиллаж байсан. /, Цагдан сэргийлэх ангийн дарга, хошууч Л.Сүрэнжав, Эрүүгийн ахлах төлөөлөгч, цагдаагийн бэлтгэл хурандаа Ц.Хүдэрчулуун /Цэргийн гавъяаны улаан тугийн болон Цэргийн гавъяаны одонт/, Хэсгийн төлөөлөгч, Цагдаагийн бэлтгэл хошууч А.Баярцогт /23 жил нэг суманд тасралтгүй хэсгийн төлөөлөгчөөр ажилласан/ Эдийн засгийн ахлах төлөөлөгч, цагдаагийн бэлтгэл хошууч И.Лхагвасүрэн /20 жил эдийн засгийн албанд ажилласан/, Мэдээлэл судалгааны ахлах байцаагч, цагдаагийн дэд хурандаа Б.Өнөржаргал /Цэргийн хүндэт медальт, Хууль зүйн тэргүүний ажилтан цол тэмдэгт/,
Эрүүгийн туслах төлөөлөгч, цагдаагийн бэлтгэл ахлах ахлагч Ц.Мөнхжаргал /ХЗДХЯ-ны “Цагдаагийн алдар”, ЦЕГ-ын “Цагдаагийн гавъяа тэмдэгтэн”/ нарын цагдаагийн болон эрүүгийн цагдаагийн байгууллагын олон шилдэг дарга, ажилтнууд төрөн гарсан юм. 1993 онд Эрүүгийн цагдаагийн тасгийн зохион байгуулалтанд орж эрүү, эдийн засаг, хэсэг, насанд хүрээгүй хүмүүсийн болон түүний эсрэг гэмт хэрэгтэй тэмцэх алба, криминалистикийн шинжээч нарын бүрэлдэхүүнтэйгээр гэмт хэрэгтэй тэмцэх, таслан зогсоох, урьдчилан сэргийлэх чиг үүргийг хэрэгжүүлэн ажиллаж ирсэн.
Эрүү эрхэлсэн орлогч болон тасгийн даргаар: