“БУЯНТАЙ БУУРАЛ” АРГА ХЭМЖЭЭ БОЛЛОО
XVII Жарны "Үзэсгэлэн болгогч" хэмээх Харагчин туулай жилийн босгон дээр Цагдаагийн газраас “Цагдаа, дотоодын цэргийн байгууллагын ахмад, дунд, залуу үеийн залгамж холбоог хөгжүүлэх хөтөлбөр”-ийг хэрэгжүүлэх, ахмад ажилтан нарын алдар гавьяаг алба хаагчдад сурталчлах зорилгоор “Буянтай буурал” арга хэмжээг 2023 оны 02 дугаар сарын 16-ны өдөр зохион явууллаа.
- Тус Цагдаагийн газраас жил бүрийн эхэнд ахмад ажилтнууддаа хүндэтгэж, “Буянтай буурал” арга хэмжээг зохион явуулдаг уламжлалтай юм.
- Ахмадын зөвлөлөөс ирүүлсэн саналаар цагдаагийн бэлтгэл дэд хурандаа Д.Жигмэддорж, цагдаагийн бэлтгэл ахлах ахлагч Б.Чулуунбаатар нарыг “Буянтай буурал”-аар шалгаруулсаны зэрэгцээ ажил хөдөлмөрийг нь шинэ залуу алба хаагч нарт сурталчилсан сайхан арга хэмжээ боллоо.
- Цагдаагийн газрын 2022 оны үйл ажиллагааны цахим тайланг ахмад ажилтнуудад сонирхуулан, Хөгжимт драмын театрын морин хуурч Д.Саранхүү морин хуур, уртын дууны шуранхай аялуулан, сонорыг мялаасан юм.
- Арга хэмжээний төгсгөлд XVII Жарны "Үзэсгэлэн болгогч" хэмээх “Харагчин” туулай жилийн “Сар шинэ”-ийн баярыг тохиолдуулан 3 ахмад ажилтанд ууцны хонь, 10 ахмад ажилтанд 20 тн нүүрсний дэмжлэгийг хамтран ажилладаг Найнги, Адуунчулуун ХК-ний зүгээс гардуулан өгөв.
Мөн Цагдаагийн газрын 121 ахмад ажилтнуудад “ХҮНДЭТГЭЛ” үзүүлж, гарын бэлгийг хүргүүлсэн байна.
- Та бүхэн төрөл садан, нутаг ус, хотол олноороо сар шинэдээ сайхан шинэлээрэй.