/
/
“ӨДӨР БҮР ХИЧЭЭЕ” УРИАЛГА
Дэлхийн Эрүүл мэндийн байгууллагаас гаргасан судалгаагаар өдөр бүр 3500 гаруй хүн, жил бүр 1.3 сая хүн зам тээврийн ослоор нас барж, 50 сая хүн гэмтэж, 1 жилд 186300 хүүхэд, 1 өдөрт 500 гаруй хүүхэд зам тээврийн ослын улмаас амь насаа алддаг бол манай улсын хувьд зам тээврийн ослын улмаас жил бүр 500 гаруй хүний амь хохирч, 2000 гаруй хүн гэмтдэг гэсэн харамсалтай тоон мэдээлэл байна.
Зам тээврийн осолд өртөж амь нас, эрүүл мэндээрээ ноцтой хохирсон иргэдийг дурсах өдрийг дэлхий даяар жил бүрийн 11 дүгээр сарын эхний гуравдугаар долоо хоногийн ням гарагт тэмдэглэн өнгөрүүлдэг.
Дээрх өдрийн гол зорилго нь зам тээврийн ослын улмаас хохирсон иргэдэд хүндэтгэл үзүүлэх, тэдний ар гэрийнхэнд тусламж үзүүлэх талаар уриалах, сурталчлах, яаралтай тусламж үзүүлэх байгууллагуудын үйл ажиллагааг сурталчлах, зам тээврийн ослын улмаас амь нас, эрүүл мэндээрээ хохирох эрсдэлээс урьдчилан сэргийлэх үйл ажиллагааг судалгаанд суурилж зохион байгуулахад оршино.
Манай Улсын хувьд уг өдрийг жил бүр “Хичээх өдөр” уриалгатайгаар зам тээврийн ослын хор уршгийг иргэд, жолооч нарт таниулах чиглэлээр арга хэмжээ зохион байгуулдаг.
Энэ жилийн хувьд тус арга хэмжээг “Өдөр бүр хичээе” уриалгатайгаар зохион байгуулж байна.
“ᠡᠳᠦᠷ ᠪᠦᠷᠢ ᢈᠢᠴᠢᠶᠡᠶᠡ” ᠤᠷᠢᠶᠠᠯᠭᠠ
ᠳᠡᠯᠡᢈᠡᠢ ᠶ᠋ᠢᠨ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠭᠠᠷᠭᠠᠭᠰᠠᠨ ᠰᠤᠳᠤᠯᠭᠠ ᠪᠠᠷ ᠡᠳᠦᠷ ᠪᠦᠷᠢ ᠓᠕᠐᠐ ᠭᠠᠷᠤᠢ ᢈᠦᠮᠦᠨ᠂ ᠵᠢᠯ ᠪᠦᠷᠢ ᠑᠂᠓ ᠰᠠᠶᠠ ᢈᠦᠮᠦᠨ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠢ᠋ᠶᠠᠷ ᠨᠠᠰᠤ ᠪᠠᠷᠠᠵᠤ᠂ ᠕᠐ ᠰᠠᠶᠠ ᢈᠦᠮᠦᠨ ᢉᠡᠮᠲᠦᠵᠦ᠂ ᠑ ᠵᠢᠯ ᠳ᠋ᠦ ᠑᠘᠖᠓᠐᠐ ᢈᠡᠦᢈᠡᠳ᠂ ᠑ ᠡᠳᠦᠷ ᠲᠦ ᠕᠐᠐ ᠭᠠᠷᠤᠢ ᢈᠡᠦᢈᠡᠳ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠳᠠᠭ ᠪᠣᠯ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠬᠤᠪᠢ ᠳ᠋ᠤ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠵᠢᠯ ᠪᠦᠷᠢ ᠕᠐᠐ ᠭᠠᠷᠤᠢ ᢈᠦᠮᠦᠨ ᠦ᠋ ᠠᠮᠢ ᠬᠣᢈᠢᠷᠠᠵᠤ᠂ ᠒᠐᠐᠐ ᠭᠠᠷᠤᠢ ᢈᠦᠮᠦᠨ ᢉᠡᠮᠲᠦᠳᠡᢉ ᢉᠡᢉᠰᠡᠨ ᠬᠠᠷᠠᠮᠰᠠᠯᠲᠠᠢ ᠲᠣᠭᠠᠨ ᠮᠡᠳᠡᢉᠡᠯᠡᠯ ᠪᠠᠶᠢᠨᠠ᠃
ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠳ᠋ᠤ ᠥᠷᠲᠦᠵᠦ ᠠᠮᠢ ᠨᠠᠰᠤ᠂ ᠡᠷᠡᢉᠦᠯ ᠮᠡᠨᠳᠦ ᠪᠡᠷ ᠢ᠋ᠶᠡᠨ ᠨᠣᠴᠤᠲᠠᠢ ᠬᠣᢈᠢᠷᠠᠭᠰᠠᠨ ᠢᠷᢉᠡᠳ ᠢ᠋ ᠳᠤᠷᠠᠰᠬᠤ ᠡᠳᠦᠷ ᠢ᠋ ᠳᠡᠯᠡᢈᠡᠢ ᠳᠠᠶᠠᠭᠠᠷ ᠵᠢᠯ ᠪᠦᠷᠢ ᠶ᠋ᠢᠨ ᠑᠑ ᠳᠦᢉᠡᠷ ᠰᠠᠷᠠ ᠶ᠋ᠢᠨ ᠡᢈᠢᠨ ᠦ᠋ ᠭᠤᠷᠪᠠᠳᠤᠭᠠᠷ ᠳᠣᠯᠤᠭᠠ ᠬᠣᠨᠤᠭ ᠤ᠋ᠨ ᠨᠢᠮᠠ ᠭᠠᠷᠠᠭ ᠲᠤ ᠲᠡᠮᠳᠡᢉᠯᠡᠨ ᠥᠩᢉᠡᠷᠡᢉᠦᠯᠳᠡᢉ᠃
ᠳᠡᢉᠡᠷᠡᢈᠢ ᠡᠳᠦᠷ ᠦ᠋ᠨ ᠭᠣᠣᠯ ᠵᠣᠷᠢᠯᠭᠠ ᠨᠢ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠬᠣᢈᠢᠷᠠᠭᠰᠠᠨ ᠢᠷᢉᠡᠳ ᠲᠦ ᢈᠦᠨᠳᠦᠳᢈᠡᠯ ᠦᠵᠡᢉᠦᠯᢈᠦ᠂ ᠲᠡᠳᠡᠨ ᠦ᠋ ᠠᠷᠤ ᢉᠡᠷ ᠦ᠋ᠨ ᢈᠢᠨ ᠳ᠋ᠦ ᠲᠤᠰᠠᠯᠠᠮᠵᠢ ᠦᠵᠡᢉᠦᠯᢈᠦ ᠲᠠᠯᠠᠭᠠᠷ ᠤᠷᠢᠶᠠᠯᠠᠬᠤ᠂ ᠰᠤᠷᠲᠠᠯᠴᠢᠯᠠᠬᠤ᠂ ᠶᠠᠭᠠᠷᠠᠯᠲᠠᠢ ᠲᠤᠰᠠᠯᠠᠮᠵᠢ ᠦᠵᠡᢉᠦᠯᢈᠦ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠤᠷᠲᠠᠯᠴᠢᠯᠠᠬᠤ᠂ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠠᠮᠢ ᠨᠠᠰᠤ᠂ ᠡᠷᠡᢉᠦᠯ ᠮᠡᠨᠳᠦ ᠪᠡᠷ ᠢ᠋ᠶᠡᠨ ᠬᠣᢈᠢᠷᠠᠬᠤ ᠡᠷᠦᠰᠳᠡᠯ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠤᠳᠤᠯᠭᠠᠨ ᠳ᠋ᠤ ᠰᠠᠭᠤᠷᠢᠯᠠᠵᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠳ᠋ᠤ ᠣᠷᠤᠰᠢᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠬᠤᠪᠢ ᠳ᠋ᠤ ᠤᠭ ᠡᠳᠦᠷ ᠢ᠋ ᠵᠢᠯ ᠪᠦᠷᠢ “ᢈᠢᠴᠢᠶᠡᢈᠦ ᠡᠳᠦᠷ” ᠤᠷᠢᠶᠠᠯᠭᠠᠲᠠᠢ ᠪᠠᠷ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠬᠣᠣᠷ ᠤᠷᠰᠢᢉ ᠢ᠋ ᠢᠷᢉᠡᠳ᠂ ᠵᠢᠯᠤᠭᠤᠴᠢ ᠨᠠᠷᠠᠲᠤ ᠲᠠᠨᠢᠭᠤᠯᠬᠤ ᠴᠢᢉᠯᠡᠯ ᠢ᠋ᠶᠡᠷ ᠠᠷᠭᠠ ᢈᠡᠮᠵᠢᠶᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠳᠠᠭ᠃
ᠡᠨᠡ ᠵᠢᠯ ᠦ᠋ᠨ ᠬᠤᠪᠢ ᠳ᠋ᠤ ᠲᠤᠰ ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ “ᠡᠳᠦᠷ ᠪᠦᠷᠢ ᢈᠢᠴᠢᠶᠡᠶᠡ” ᠤᠷᠢᠶᠠᠯᠭᠠᠲᠠᠢ ᠪᠠᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
ᠡᠶᠢᠮᠦ ᠢᠷᢉᠡᠳ᠂ ᠵᠢᠯᠤᠭᠤᠴᠢ ᠲᠠ ᠪᠦᢈᠦᠨ ᠡᠨᠡ ᠡᠳᠦᠷ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠠ᠋ᠴᠠ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᠵᠦ᠂ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠦ᠋ᠨ ᠣᠶᠢᠷᠠ ᠶ᠋ᠢᠨ ᢉᠡᠷᠡᠯ ᠢ᠋ᠶᠡᠨ ᠡᠳᠦᠷ ᠦ᠋ᠨ ᠴᠠᠭ ᠢ᠋ᠶᠠᠷ ᠠᠰᠠᠭᠠᠵᠤ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠵᠤ᠂ ᢉᠡᠮᠲᠦᠵᠦ ᠬᠣᢈᠢᠷᠠᠭᠰᠠᠨ ᠢᠷᢉᠡᠳ ᠲᠦ ᢈᠦᠨᠳᠦᠳᢈᠡᠯ ᠦᠵᠡᢉᠦᠯᠦᠨ᠂ ᠠᠩᠬᠠᠷᠤᠯ ᠪᠣᠯᠭᠤᠮᠵᠢᠲᠠᠢ ᠵᠠᠮ ᠤ᠋ᠨ ᢈᠥᠳᠡᠯᢉᠡᢉᠡᠨ ᠳ᠋ᠦ ᠣᠷᠤᠯᠴᠠᠬᠤ ᠶ᠋ᠢ ᠤᠷᠢᠶᠠᠯᠠᠵᠤ ᠪᠠᠶᠢᠨᠠ᠃
